Rusiya FHN-in mobil tətbiqi kütləvi kiberhücuma məruz qalıb, saxta məlumat yayılıb

Rusiya Fövqəladə Hallar Nazirliyi 2 noyabr gecəsi nazirliyin mobil tətbiqinin kütləvi kiberhücuma məruz qaldığını açıqlayıb.

Nazirliyin məlumatına görə, mobil tətbiqin sındırılması nəticəsində saxta məlumat yayılıb.

Bundan bir neçə saat əvvəl Ukrayna Hərbi Hava Qüvvələri ölkədə hava hücumu xəbərdarlıqları üçün istifadə olunan «Hava həyəcanı» tətbiqinin, ehtimal ki, sındırıldığını və Ukraynada heç bir radiasiya təhlükəsinin olmadığını bildirmişdi. Tətbiqin komandası kənar şəxslərin tətbiqin işinə icazəsiz müdaxilə etdiyini, push-bildirişlərin söndürüldüyünü və tətbiqin işinin müvəqqəti dayandırıldığını açıqlamışdı. Komanda tətbiqin şəxsi məlumatları saxlamadığını və istifadəçilər üçün təhlükə olmadığını da qeyd etmişdi.

Rusiya Fövqəladə Hallar Nazirliyinin mobil tətbiqi vətəndaşlara fövqəladə hallar barədə xəbərdarlıqlar və təhlükəli vəziyyətlərdə davranış qaydaları barədə məlumat çatdırmaq üçün nəzərdə tutulub.