Beynəlxalq Dənizçilik Təşkilatı: İran müharibəsinin başlanmasından bəri Hörmüz boğazında 25 dənizçi öldürülüb

Beynəlxalq Dənizçilik Təşkilatı (IMO) noyabrın 6-da İran müharibəsinin başlanmasından bəri Hörmüz boğazında 25 dənizçinin öldürüldüyünü bildirib.

Mart ayının əvvəlində boğazda ən azı 6 dənizçinin öldürüldüyü bildirilmişdi. 2026-cı il mayın 13-də isə BMT Fars körfəzində gəmilərə qarşı 38 hücum qeydə alındığını və bu hücumlarda 11 dənizçinin öldüyünü açıqlamışdı.

Noyabrın 5-də Fars körfəzində Yunanıstan şirkətinə məxsus, neft məhsulları daşıyan tankerdə baş verən partlayış nəticəsində ekipaj üzvlərindən biri həyatını itirib.

Beynəlxalq Dənizçilik Təşkilatı BMT-nin gəmiçilik üzrə ixtisaslaşmış qurumudur və mənzil-qərargahı Londonda yerləşir. Təşkilatın baş katibi Arsenio Dominqes daha əvvəl Hörmüz boğazında dənizçilərin ölümünü qəbuledilməz adlandırmışdı. Təşkilat aprel ayında Fars körfəzində qalmış təxminən 20 min dənizçinin təxliyəsi üçün diplomatik addımlar atılmasına çağırmışdı.

Hörmüz boğazı Fars körfəzini Oman körfəzi və açıq dənizlə birləşdirir və dünyanın dəniz yolu ilə daşınan neftinin mühüm hissəsi bu boğazdan keçir.