Rusiyanın Ukraynaya hücumu: Odessada bir nəfər həlak olub, Dnepr şəhərində 60 mindən çox istehlakçı elektriksiz qalıb
Ukrayna tərəfinin bildirdiyinə görə, Rusiyanın gecə hücumları nəticəsində Odessada bir nəfər həlak olub, şəhərin infrastrukturu zədələnib. Enerji obyektlərinə zərbələr səbəbindən Dnepr şəhərində 60 mindən çox istehlakçı elektrik enerjisi olmadan qalıb.
Rusiyanın gecə saatlarında Ukraynaya endirdiyi zərbələr nəticəsində Odessada bir nəfər həlak olub, bir neçə bölgədə isə enerji infrastrukturu zədələnib və elektrik kəsintiləri baş verib. Bu barədə Ukrayna rəsmiləri məlumat yayıb.
Odessa Şəhər Hərbi Administrasiyasının rəhbəri Sergey Lısak bildirib ki, Rusiyanın zərbəsi nəticəsində şəhərin infrastrukturu zədələnib, bir nəfər həlak olub.
Dnepropetrovsk Vilayət Hərbi Administrasiyasının rəhbəri Aleksandr Qanja açıqlayıb ki, Rusiyanın enerji obyektlərinə təkrar hücumları səbəbindən Dnepr şəhərində 60 mindən çox istehlakçı elektrik enerjisi olmadan qalıb.
Xmelnitski Vilayət Hərbi Administrasiyasının rəhbəri Sergey Tyurin isə Rusiyanın hücumu nəticəsində Kamenets-Podolski rayonunda qəza elektrik kəsintisi baş verdiyini bildirib.
Xarkovun meri İqor Terexov şəhərin Kiyev rayonunda zərbə dronunun isabətinin qeydə alındığını açıqlayıb.
Odessa Şəhər Hərbi Administrasiyası 2025-ci ilin oktyabrında yaradılıb və ona Sergey Lısak rəhbərlik edir. Rusiya 2022-ci ilin fevralında Ukraynaya qarşı genişmiqyaslı hərbi əməliyyatlara başlayandan bəri Ukraynanın enerji infrastrukturuna dəfələrlə zərbələr endirib.
