ABŞ Dövlət Departamenti Ukraynaya 2,1 milyard dollarlıq 500 PAC-3 raketinin mümkün satışını təsdiqləyib
Patriot hava hücumundan müdafiə sistemi üçün nəzərdə tutulan raketlərin alışı Kanada, Almaniya və Norveç daxil olmaqla tərəfdaşların töhfələri hesabına ödəniləcək.
ABŞ Dövlət Departamenti Ukraynaya Patriot hava hücumundan müdafiə sistemi üçün 500 ədəd PAC-3 raketinin mümkün satışını təsdiqləyib. Satışın təxmini dəyəri 2,1 milyard dollardır.
Bu barədə məlumat 30 oktyabrda Dövlət Departamentinin saytında yerləşdirilib. Məlumata görə, alış tərəfdaşların, o cümlədən Kanada, Almaniya və Norveçin töhfələri hesabına ödəniləcək.
Bundan əvvəl, 18 noyabr 2025-ci ildə ABŞ Dövlət Departamenti Ukraynanın mövcud Patriot sistemlərinin istismarının davam etdirilməsi üçün sistemlərin təkmilləşdirilməsi, ehtiyat hissələri, ləvazimat və təlimi əhatə edən, təxmini dəyəri 105 milyon dollar olan paketin mümkün satışını təsdiqləmişdi.
30 oktyabrda Ukraynanın xarici işlər naziri Andri Sıbiha Ukraynanın Rusiyanın 29 oktyabrdakı kütləvi hücumları ilə əlaqədar BMT Təhlükəsizlik Şurasının təcili iclasını çağırdığını bildirib. Nazir xatırladıb ki, yaşayış binalarına, dəmiryol obyektlərinə və mülki infrastruktura endirilən dron və raket zərbələri nəticəsində ən azı 20 nəfər həlak olub, aralarında uşaqlar olmaqla 80-dən çox nəfər yaralanıb.
30 oktyabrda Dnepr şəhərindəki dəmiryol vağzalı və sərnişin qatarı yenidən zərbəyə məruz qalıb.
